Öises Lääbe
Euses Lääbe isch e Schiffsreis übers grosse, wytte Meer,
s bringt äim schööni, frooi Stunde, doch au drüebi, stürmisch schweer.
Alli Mönsche uf däm Dampfer, wo derbyy syy uf deer Reis,
häi es Zyyl vor iire Auge, und s verfeele wets ekäis.
Jeedes Jöörli isch e Haafe, wo me e Rung verschnuufe chaa,
ufs Vergangni und was vor äim chly cha Rück- und Usschau haa.
Druuf goot d Faart ganz gläitig wytter, was no chunnt, das wäiss me nid,
s dreit äim nume s fescht Vertroue, dass s e guete Stüürma git!
Elfried Mathys